Rhestr Artistiaid - Manylion

Mae Amledd yn cyfuno talentau canwr/cyfansoddwraig Rhian Williams (gynt o'r band UST) a ffidlwr/cyfansoddwr Billy Thompson.

Mae'r ddau wedi bod yn cyfansoddi a recordio o amgylch dwy flynedd, ac Amledd yw canlyniad y gwaith hwn.

Mae Amledd yn cynnwys y guitarydd talentog ifanc Dave Edwards, Dave 'Taif' Ball ar y bâs heb fretiau a Steve Roberts ar y drymiau.

Mae'r ddau yn gerddorwyr proffesiynol, Dave Taif Ball wedi recordio a theithio yn eang gyda gwahanol fandiau e.e Lloyd Cole, Jools Holland, John Martyn a Barbara Thompsons Paraphernalia (lle wnaeth Billy gyfarfod Taif gyntaf). Mae Steve Roberts wedi recordio a theithio gyda'r Noddys Punture, They Walk Among Us, The Heavy Quartet ac yn rhan fwyaf o fandiau jazz Billy Thompson ar hyd y blynyddoedd.

Mae Rhian yn wreiddiol o'r Bala ac wedi bod yn cyfansoddi ers amser bellach. Mae wedi perfformio yn y gorffennol gyda Huw Symonds o Llanuwchllyn, a gynt gyda'r band Ust.

Mae caneuon Amledd i gyd yn hollol wreiddol lle mae profiadau cerddorol amryliw y grwp yn cyfuno.

Mae Billy wedi perfformio am flynyddoedd o amgylch Cymru gyda The Amigos (Gypsymania, Alma Gitana, Jazz Manouche) ac hefyd Meic Stevens (Mihangel, Ysbryd Solva), yn ogystal a nifer o ymddangosiadau eraill gyda artistiaid amrywiol Alun Tan Lan (Aderyn Papur), Mim Twm Llai (Yr Eira Mawr), Sian James (Y Ferch O Bedlam), Heather Jones, Jim Rowlands a Delwyn Sion.

Mae'r albwm yn cael ei recordio gan Thompsound Music (Ysbryd Solva gan Meic Stevens) - mae ar gael trwy Gymru yn y siopau ac hefyd o'i gwefan.

Eleni rydym yn barod wedi perfformio amryw o gigs gyda'r uchafbwynt yn y Sesiwn Fawr a'r Eisteddfod Genedlaethol yn Abertawe.

Mae Amledd yn ymfalchio i fod yn ran o draddodiad gerddorol gref yng Nghymru. Mae'r sîn roc Gymraeg ar ei anterth, ac yn datblygu yn ddyddiol gyda bandiau newydd.

Mae Amledd yn edrych ymlaen i berfformio mwy yn fyw o amgylch y wlad profiad newydd a chyffrous i gynulleidfaoedd. Mae wedi bod yn siwrne gerddorol greadigol i'r band ac maent oll yn fwy na pharod i rannu y siwrne!