Rhestr Artistiaid - Manylion

Mega oedd y boi-band cynta yn y Gymraeg neu o leia un o'r rhai cynta i'w ffurfio gan gynhyrchydd. Fe ffurfiwyd y grŵp gan Emyr Afan a'i gwmni Avanti yn 1998 fel ymgais i greu pop masnachol Cymraeg. Roedd yna elfennau amlwg o greu grŵp apelgar i gynulleidfa ifanc - roedd gan pob aelod ei steil unigryw a ffugenw 'cŵl'.

Fe wnaeth Mega gystadlu yng nghystadleuaeth 'Cân i Gymru' 2000 (wedi gynhyrchu gan Avanti, dyna ryfedd) a daeth y grŵp i ben yn fuan wedyn (?). Fe aeth Rhydian ymlaen i gael gyrfa unigol, aeth Arwel nôl i'w yrfa actio, mae Marc yn dal i ganu ac yn adeiladu gyrfa mewn sioeau cerdd yn y West End a mae Trystan yn gweithio yn y cyfryngau.