Archif
Mehefin 2008 Ionawr 2008 Mehefin 2007 Mai 2007 Ebrill 2007 Chwefror 2007 Ionawr 2007 Tachwedd 2006 Hydref 2006 Awst 2006 Gorffennaf 2006 Mehefin 2006 Ebrill 2006 Mawrth 2006 Chwefror 2006 Ionawr 2006 Rhagfyr 2005 Tachwedd 2005 Hydref 2005 Medi 2005 Awst 2005 Gorffennaf 2005 Mehefin 2005 Mai 2005 Ebrill 2005

Newyddion - Manylion

Ffatri Gerddoriaeth Llanrwst yn parhau i gynhyrchu

Dydd Gwener, 24 Tachwedd 2006 - 5:24pm | Artistiaid |

Bydd y grŵp diweddaraf i ddod allan o ffatri gerddoriaeth Llanrwst, Jen Jeniro, yn rhyddhau eu CD cyntaf yn ystod gŵyl Llanast Llanrwst eleni. Yn wir, bydd y band yn rhannu llwyfan gyda'r cerddorion enwocaf i ddod o'r dref yn ffurf Marc Roberts a Paul Jones yn gig mawr yr Ŵyl ar nos Wener 1af Rhagfyr wrth gefnogi eu prosiect newydd, Y Ffyrc.

Bydd yr E.P. Tallahassee yn cynnwys 7 can ac mae'r band yn falch o allu rhyddhau'r CD mewn awyrgylch cartrefol. Dywedodd y prif ganwr Eryl Jones, "ma'r band ar wasgar braidd ar hyn o bryd gyda 3 ohonom ni wedi mynd i'r coleg, ond bydd hi'n braf mynd nôl i Lanrwst i lansio'r EP. Bydd hi hefyd yn wych i gefnogi Y Ffyrc - mae cerddoriaeth Y Cyrff wedi dylanwadu'n fawr arnom ni, gymaint nes bod ni wedi cynnwys cover o'r gan Ar Goll ar y CD newydd!"

Daeth Jen Jeniro i amlygrwydd gyntaf yng Nghystadleuaeth Brwydr y Bandiau Cymdeithas yr Iaith yn 2005. Crewyd cryn argraff ar y beirniaid gyda'i set amrywiol a chaneuon arbrofol. Ymestynwyd eu henw da wrth iddynt berfformio fel rhan o daith deyrnged i'r Cyrff, Taith Cymru Lloegr a Llanrwst ym Medi 2005. Ers hynny, mae nhw wedi bod yn gigio'n brysur ledled Cymru, wedi perfformio'n fyw yn stiwdio deledu Bandit a recordio Sesiwn C2 Radio Cymru.

Recordiwyd y deunydd newydd yn stiwdio MASE, ym Mhenmaenmawr yn ystod Medi 2006 dan oruchwyliaeth y cynhyrchydd John Lawrence. Mae'r CD yn cael ei ryddhau ar label y band, Recordiau Tramp Records.

Manylion gig Llanast Llanrwst

Diweddarwyd: 24 Tachwedd 2006, 5:29pm