Newyddion - Manylion

Am y tro cyntaf erioed, neilltuir sesiwn gyflawn o Gyfarfod Cyffredinol Blynyddol Cymdeithas yr Iaith i'r sîn gerddorol eleni. Bydd sesiwn y prynhawn yn trafod y cwestiwn "Sut i hybu'r frwydr trwy'r Sîn Gerddorol Gymraeg" .

Arweinir y sesiwn gan Toni Schiavone sydd wedi bod yn hyrwyddo gigs a labeli Cymraeg ers dros chwarter canrif ac a fu'n brif ysgogydd i'r "Cyrff" yn eu dyddiau cynnar. Cawn weld sut y mae bandiau trwy'r degawdau wedi defnyddio cerddoriaeth yn gyfrwng gwleidyddol a chawn drafod sut y gallai cyflwyniadau aml-gyfryngol, gigs, bandiau, cyhoeddiadau, deunydd wedi recordio - fod yn gyfryngau heddiw i godi ymwybyddiaeth a'r frwydr ymhlith Cymry ifainc.

Dyma sesiwn ymarferol y gall pawb gyfrannu ati - fel cerddorion, technegwyr, hyrwyddwyr ac unrhyw un arall sy'n mwynhau gigs a gwrando ar gerddoriaeth Cymraeg.

2pm-3.40pm, Sadwrn 2il Chwefror yn y Morlan, Aberystwyth