Rhestr Artistiaid - Manylion

Ffurfiwyd y Merched Mecca ar ddiwedd 2004, yn chwarae caneuon AC/DC, Led Zeppelin ac ati. Erbyn hyn mae set Merched Mecca yn cynnwys caneuon gwreiddiol yn unig, diolch ar y mwyaf i ymdrechion Tom, a ddaeth a caneuon megis Chwarae am Mhen a Tomi Tits i'r band. Dechreuodd Merched Mecca eu gyrfa yn nhafarnau Abertawe, yn chwarae'n rheolaidd yn The Office, Uplands Tavern a'r Inferno. Heb CD i werthu, gigs byw wnaeth ffurfio enw da y band, a hwn yn taenu ar lafar ar draws cwm Tawe.

Yn haf 2005, enillodd Merched Mecca gystadleuaeth Band Roc a Phop Eisteddfod yr Urdd yng Nghaerdydd, a gafodd ei feirniadu gan Huw Stevens. Hefyd, fe gyrhaeddon nhw rownd derfynol Brwydr y Bandiau C2 yn 2006. Cafon nhw'r sgor uchaf gan y beirniaid, gan golli'n agos yn y bleidlais ffôn. Ond nid cystadlu a brwydo yw steil Merched Mecca, sydd llawer yn hapusach yn trosglwyddo ysbryd Roc yn syth i gallon eu cynulleidfa!