Newyddion - Manylion

Mae Recordiau R-bennig yn 15 mlynedd oed ac i ddathlu'r penblwydd mae'r label wedi ryddhau CD arbennig yn cynnwys 21 trac newydd heb ei rhyddhau o'r blaen. Dros y blynyddoedd mae'r label wedi dilyn llwybr anghonfensiynol a di-gyfaddawd yn ei ddewis o gerddoriaeth a'i ddull o weithredu.

Mae'r CD newydd O'r Ddaeargell (Vol 1) yn dangos yr amrywiaeth o artistiaid sydd wedi cael ei cefnogi gan y label dros y blynyddoedd, o'r rapwyr benywaidd A5 i electronica arbrofol Ninki-V ac o draciau pop soulaidd y Waw Ffactor i electro-rap Afallon.

Ar ôl blynyddoedd yn rhedeg y label yng Nghwalchmai, Ynys Môn mae Johnny 'R' - yr 'egni' tu ôl i'r label - nawr yn gweithio o swyddfa newydd ym Mangor a mae'n sicr y bydd llawer mwy o gynnyrch cyffrous i'w glywed ar y label yn y dyfodol. Ewch draw i wefan R-Bennig am fwy o wybodaeth.