Newyddion - Manylion

Mae Huw 'Bobs' Pritchard wedi rhyddhau EP newydd - "Wyth Awr Mewn Degawd" - y CD cyntaf ganddo ers degawd.

Yn niwedd yr 80au a dechrau y 90au roedd Bobs yn cyfansoddi caneuon difyr a deifiol o dan yr enw 'Byd Afiach'. Fe roedd hefyd yn gyflwynydd radio a theledu gyda sioe gerddoriaeth wythnosol ar Radio Cymru a sioe fideo ar S4C yn y 90au cynnar.

Yn 1995 fe ryddhawyd casgliad o'i ganeuon ar y CD Yn ei fyd bach ei hun yn cynnwys goreuon Bobs o 1986 i 1995. Fe roedd y caneuon yn amrywio o ganeuon acwstig syml i ganeuon pop ac arbrofol. Y llinyn cyson yn y gwaith oedd golwg ddychanol ar y byd a'i broblemau, yn wawdlwyd weithiau ond bob amser yn ddifyr.

Mae'r EP yn cynnwys 6 o ganeuon acwstig fydd efallai yn ateb y cwestiwn "Be ddigwyddodd i'r Bobs?". Dyma restr o'r caneuon fydd ar y CD:

Defeat It
3yn1
Artaith
11 Nos Wener
Protest Singer
'Sdim Byd Rhyngom Ni

Mae'r CD ar gael o'ch siop Gymraeg leol neu, yn fuan, o wefan Sebon.