Newyddion - Manylion

Llai na blwyddyn ar ôl ryddhau ei halbym cynta, mae Brigyn wedi cwblhau ei hail albym ac yn paratoi i'w ryddhau ym mis Hydref. Fe fydd taith fer yn cyd-fynd a lansiad y CD gan ddechrau yng Nghlwb Ifor Bach.

Mae sŵn Brigyn yn gymysgedd o gerddoriaeth electronica, gwerinol a defnydd o samplau cerddorfaol, sydd i'w glywed yn glir yn yr albym newydd.

Er mai tebyg oedd y dull o recordio yr albym mae'r brodyr Ynyr ac Eurig Roberts yn teimlo fod sain cyfoethocach ar yr ail albwm, yn gymysgedd o lawer o syniadau cymleth ac arbrofol.

Maent wedi rhoi naws gwahanol i'r albym yma gyda'r rhan fwyaf o'r geiriau yn son am hapusrwydd, prysurdeb, a bodlondeb bywyd yn gyffredinol.

Brigyn 2 yw teitl yr albym newydd ond yn ôl y brodyr, nid diffyg dychymyg yw hyn ond gosod sail i barhau gyda Brigyn yn y dyfodol. Ar ôl profi'r ymateb ffafriol iawn i'w cerddoriaeth mae'n siwr y bydd Brigyn yn parhau i blesio'r gynulleidfa gyda fwy o albymau o safon yn y dyfodol.

Chwiliwch am gigs Brigyn.