Rhestr Artistiaid - Manylion

Band o Fethesda yw Winebago a ffurfiwyd yng Ngwanwyn 2002 . Bu iddynt weithio'n galed ar eu caneuon cynnar yn ystod y flwyddyn honno cyn perfformio'n fyw am y tro cyntaf yn Y Railway ym Mangor yn cefnogi The Keys. Ers y dyddiau cynnar mae Winabego wedi gigio'n gyson ledled Cymru. Fe recordiwyd a darlledwyd sesiwn i C2, Radio Cymru ym mis Mai, 2004.

Aethant i Stiwdio Sain ym mis Mehefin 2004 i ddechrau gwaith ar eu E.P. cyntaf. Rhyddhawyd yr E.P, 'Hyder Bregus' ym mis Tachwedd 2004 a bu'n 'Record yr Wythnos' ar raglen radio Huw Stephens. Cynhyrchwyd y recordiad gan Dyfrig Wyn Evans, gynt o Topper (mae Dyfrig hefyd yn frawd i Dylan, gitarydd Winabego). Mae'r traciau yn cynnwys Llawenydd Achlysurol, Dim Cytundeb, Symud Mewn Gofod, Unarddeg Dyn i Lawr a Lucifer's Lament.

Fe wnaethant ddychwelyd i'r stiwdio yn Ionawr 2005 i recordio traciau ar gyfer albym newydd a fydd allan yn 2005 (efallai).